1.08.2017

Top 10 mistakes job search karne mein

Top 10 mistakes job search karne mein - image
Top 10 mistakes during job search
Hello Friends, Aaj ki post mein hum baat karenge kuch common mistakes ki jo hum job search karte waqt  karte hai. Friends hum sab jante hai ki ek sahi job humare pure career path ka important part hoti hai. Agar hum aisi job se career shuru karte hai jo humare liye sahi ya perfect nahin hai to hum kabhi humare career ko sahi disha mein lane me successful nahin ho pate hain.
Hum aajkal dekhte hain ki youngsters bas apna career start krne ke liye shuruat me koi bhi job join kar lete hai jo shayad unki qualification aur skills se match bhi na hoti ho par is baat se unhe aagey jakar new job pane me problems hoti hai. Job experience hone ke baad bhi unhe sahi job nahin mil pati hai. Aisa isliye hota hai kyunki sabhi achhi companies me recruiters selection process mein unhi candidates ko select karte h jinki qualification aur skills, vacant job position se match hoti hai. Doston ye sab problems se bachne k liye aap shuruat me hi apni job search ko le kar aware aur focused rahe.


Aaiye hum discuss karete hai kuch common mistakes or errors ke bare me jo hum job searching me karte hai:


1. Aapki  qualifications aur job match na hona: 
Hume thoda waqt le kar ye sochna chahiye ki humari qualification di gayi job requirements se match ho rahi h ya nahin. Humari skills aur job position k bich jitni similarity hogi utne hi humare chances better hote jayenge interview me successful hone ke. Agar hum humari skills ke according job karenge to hum usse behatar tareeke se kar payenge aur humara interest bhi job me bana rahega. Iss tarah se humara job experience better hota jayega aur hum career me growth kar payenge.



2. Make a List/List banaye: 
Skills aur job matching k baad next step hoti hai employer ki requirement aur apki skills ke bich connection bana kar list taiyar krna jisme sabhi preferred qualifications include ho. Aapme jo skills hai ussi type ki job ke liye apply kare.



3. Fake jobs se aware rahe: 
Job search karte waqt iss baat ka dhyan de ki jis job ke liye aap apply kar rahe hai wo fake to nahin hai. Aise kai Advertisement aap news paper ke classified me dekh sakte hai jo bahut achhi salary or facilities ka wada karte hai. Aap puri information collect krne ke baad hi job ke liye apply kare. Job search ke liye sirf online job portals ya agencies aur friends par depend na rahe. Aap khud apne experience, skills, qualifications ke according job search kre aur puri jankari le kr hi apply kare.



4. Sabhi opportunities ke liye khud ko available na bataye: 
Job searching me iss baat ka dhyan rakhe ki sabhi tarah ki jobs ke liye apply na kare isse aapka career track kabhi sahi disha me nhi aa payega. Aapko ye bhi samjhna hoga ki aap har tarah ki job nahi kar sakte. Aap apni Skills aur education ke according hi job search kare. Apni search me specific jobs par hi dhyan de aur unhi ke liye apply kare jo apki qualifications se match hoti ho.



5. Salary/Remuneration ko dhyan me rakhe: 
Kuch companies apni job posting me salary ka bhi jikra karti hai. Aap apni requirement, skills aur experience ke according iss baat ka dhyan rakhe ki aap kitni salary expect karte hain. Empoyer ke dwara batai gayi salary apki expectations se kam hai aur aapko lagta hai ki aap isse jyada deserve karte hai to aisi job ke liye apply na kare.



6. Location: 
Job search karte waqt ye bhi dhyan rakhe ki wo post kis location ke liye hai aur wo waha job karna humare liye possible hai ya nahi. Location par vichar karne ke baad hi aap job ke liye apply kare.



7. Job Timings: 
Apni job searching me isss baat ka bhi dhyan rakhe ki aap job me batayi gayi timings ke according kaam kar skte hai ya nhi. Kuch companies me shifts me kaam hota h jaise ki day shift, night shift ya morning/evening shift. Aapke liye kya suitable hai aur kis timing me aap acche se work kar sakte hai uske according hi apna job preference rakhe. 



8. Bonds/Contracts: 
Dhyan rakhe ki kya employers ya company ne job posting ya job advertisement me bond ya contract ko agree karna compulsory ya zaruri bataya hai. Yadi kisi job me bond ya contract ki baat ki gayi hoto aap apply karne ke pehle soch le ki kya aap bataye gaye time ke liye bond ya contract pura kar skte hai. Agar aap bond ya contract ke liye prepared ho to hi iss tarah ki job ke liye apply kare nahi to interview ke waqt aap ko problem face karni padd skti hai. 



9. Company ke bare mein puri research na karna: 
Job searching mein hum ek aur badi mistake yeh karte hai ki jis company mein hum apply kar rhe hain uss company ke bare me hum research nahi karte hai. Hume pata hona chahiye ki company me staff kitna hai, company kab start hui, company ka culture aur tradition kya hai, Company ka mission-vision kya hai. Agar hum apply karne ke pehle kisi company ke baare mein jaan payenge to hum interview mein bahut acche se perform kar payenge.



10. Unprofessional Email Address: 
Job searching ke pehle aapka ek professional email address hona bahut important hai. Kisi bhi job ke liye apply karte time aap apna professional and updated email address provide kare. Unprofessional email address rakhne se aapki image ka employer ke upar galat effect padta hai.



Aapko ye post kaisi lagi, jarur bataye. :) agar aapko acchi lagi hai to Facebook, Twitter aur Google+ par jarur Share kare. 


Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare.



Important and useful posts aapke Email par read karne ke liye “Sign up” kariye.


धन्यवाद !

1 comment:

  1. You have posted the blogs are really fantastic and informative.recruitment agencies business

    ReplyDelete

e