12.27.2016

Top 10 reasons - aapko job kyun nahi milti?

Top 10 reasons aapko job kyun nahi milti- image
Top 10 Reasons Why You Didn't Get the Job
Hello friends, aaj hum discuss karenge wo Top 10 Reasons jiske karan puri koshish karne ke baad bhi hume job nahi mil paati hai. Kai baar aisa kyun hota hai ki humara interview accha raha ho aur hum expect karte hai ki hume ye job mil hi jayegi par hume interviewer ya company ki taraf se koi response hi nahi milta hai. Aapme se bhi kai logo ke saath aisa hua hoga, aapne interview diya, aapko laga sab accha raha, par job ke liye call nahi aaya, hua hai na?


Aise me sabse badi problem ye hoti hai ki hume pata hi nahi lag pata hum kaha mistake kar rahe hai. Aur agar hum apne selection naa hone ka reason recruiter ya interviewer se pata bhi karna chahe to bas hum ek generic response milega, Ex. – “humne more qualified ya more experienced candidate ko choose kar liya hai”, ye reason humesha sahi nahi hota. Aisi kai baate hoti hai jo hum pata hote hue bhi dhyan nahi de paate ya improve nahi kar paate aur jane-anjane ignore karte rahte hai jo humare job na milne ka karan banti rhati hai. Aaiye jante hai Job na mil pane ke Top 10 Reasons – 




Kya aapne Resume sahi target kiya?
Aapko Resume me aapki skills or achievements ko aapki job profile ke hissab se acche se target karna chahiye. Aapko pata hona chahiye ki konsi previous jobs, internships ya training iss job se relevant hai. 



Kya aapka resume and cover letter proper organized tha? 
Aapke resume aur cover letter ko iss type se organize kare ki uss job se releated skills, experience aur knowledge interviewer ko top par dikhe.



Aapki application me koi mistake to nahi thi?
Resume aur cover letter ki saari informations or dates ko acche se check kar lena chahiye or sab kuch sach likhna chahiye kyonki jab document ki cross-checking me interviewer ko koi details me difference dikhta hai ya kuch jhooth likha hua ho to problem ho sakti hai. 



Kya aap uss job ke liye qualified the?
Kai baar hum aisi job ke liye interview dene chale jate hai jiske liye humara profile or education sahi nahi hai. Jab bhi koi interview dene jaye tab education aur skills ki requirements ko properly check kar le or agar wo aapke profile se match hoti hai to hi jaye.



Kya aap appropriately dressed-up the?
Aapke interview se pehle hi aapka look or dress-up bahut kuch kah deta hai isliye dressing ko bhi bahut importance de. Normally almost saare interview ke liye formal dressing hi best hoti hai.



kya aap interview ki puri preparation karke gaye the? 
Overconfidence ki wajah se hume kai baar lagta hai ki hume sab pata hai aur hume lagta hai ki interview me jo bhi pucha jayega hum easily bta denge par aisa nahi hota, jo person proper research or preparation karke aata hai uusi ka selection hota hai. 



kya aap correct time par pahuche aur sabse polite behave kiya?
Aapki punctuality or aapka behavior aapke bare me bahut kuch bta deta hai. Interview ke liye humesha time par pahuchna chahiye aur waha milne wale sab logo se politely baat karna chahiye.



Kya aapne company ke baare me research ki thi?
Aapne saari preparation ki par company ke baare me research nahi ki aur employer ne job profile ya company ke baare me koi question kar liya to aap samjh sakte hai kya hoga. 



kya aapne company me work karne ke liye enthusiasm dikhaya?
Har company aise person ko job offer karna chahti hai jo uss job ke liye excitement or enthusiasm dikhaye. Person ka interest salary se jyada apne work ke baare me janne ka hona chahiye.



Aapke references ne aapke baare me kya btaya?
Aise references ka naam na de jinse aap bahut time se nahi mile ya jinse bahut time se aapki baat nahi hui. Kisika naam ‘as a reference’ dene se pehle unse mile ya baat kare aur unhe bataye ki aapke baare me puchne par wo positive hi bataye.




Thanks !








Aapko ye post kaisi lagi, jarur bataye. :) agar aapko acchi lagi hai to Facebook, Twitter aur Google+ par jarur Share kare. 




Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare.




Important and useful posts aapke Email par read karne ke liye “Sign up” kariye.



धन्यवाद !


No comments:

Post a Comment

e