12.21.2016

10 baate jo sach hone ke baad bhi interview me kabhi nahi kahni chahiye

10 बातें जो सच होने के बाद भी Interview में कभी नहीं कहनी चाहिए - image
Hello Friends, Maine interview ke baare me baat karte hue hamesha yah bataya ki aap jo bhi information de wo true ho, matlab sab kuch bilkul sahi-sahi or sach bataye, kyuki agar apke dwara batai gayi koi bhi baat galat nikli to apko job join karne ke baad bhi nikala ja sakta hai, par aaj mai kuch alag baat karne wala hu, aaj mai apko bataunga ki kuch aisi baate ya kuch aise sentence hote hai, jo sach hone ke baad bhi hume interview me nahi kahni chahiye or un bato ka interviewer per kya asar hota hai or unka kya reaction hota hai. To aaiye jante hai –

1. Ye Resume par likha hai “It’s on resume”- Agar interviewer apse kuch puch raha hai to use ye na kahe ki ye resume par likha hai, ye jante huye ki yah resume par likha hai interviewer aapse isliye puchta hai jisse wo aapki communication skills or us topic ke baare me aapki knowledge ko achhe se jan paye, aur yahi mouka hai aapke pass jisme aap interviewer ko detail me apne knowledge, skills or experience ke baare me bata kar Impress kar sakte hai.


2. Main kuch time baad MCA karne wala hu, “I’m applying for MCA after some time” – Aapke Job ke saath aage study karne me kuch galat nahi hai aur kai log job aur study acche se maintain bhi kar lete hai, par jab aap ye baat interview me kahte ho to interviewer ko lagta hai ki aap work or study ko shayad balance na kar pao ya aap apni study complete hone ke baad job leave kar do isliye study pursue karne ki baat soch samjh kar hi kare.


3. Meri last job bahut bekar thi “My last job was very bed” – Interviewer jante hai ki bahut si job aur bahut se boss apne employee ke sath bura suluk karte hai aur shayad unhone unki kisi job me ye experience bhi kiya ho par jab aap apni last job ke baare me negative baate kahte hai to ye aapka negative impact banati hai kyuki interviewer na hi aapki last job ke baare me jante hai or na hi apke baare me, unhe ye bhi lag sakta hai ki aap hi galat ho ya aapka work aisa ho jis reason se aapke sath aisa kiya gaya. Interviewer aapki baato se bas itna samjhenge ki aap apni kamiya chhupane ke liye ye kah rahe ho.


4. Maine wo job 2 months hi ki thi “I have done that job only for 2 months” – Resume me sirf wahi work experience likhna chahiye jo at least 6 months se jyada ho, agar aap batate ho ya resume me likhte ho ki aapne kahi 2 months hi job ki hai to ye baat interviewer ke mann me doubt create kar degi, kya aapka behavior aapke co-workers ke sath achha nahi tha? Aapko job 2 month me kyu chhodna padi ya aapko nikal diya gaya? Agar 2 months ki hui job aapki is job se relevant hai jiske liye aap interview de rahe ho to aap use “contract work” ya “temporary job” bata kar uske baare me bata sakte ho.


5. Main 3 alag- alag field me interview de raha hu “ I’m Interviewing in three different fields” – Alag-Alag field me try karna achha hai par agar apne ye interview me bataya to ye samjha jayega ki aap is job ke liye serious/confident nahi ho ya aap ab tak ye decide nahi kar paye ki aapko kis field me job karni hai. Aise candidate ko koi bhi company job offer nahi karti hai.



6. Mai jald hi apna business start karna chahat hu “I’d like to start my own business as soon as possible.” – agar aap aisa kahte hai to interviewer samjhega ki aap ye job sirf apna business start karne me lagne wala fund collect karne ke liye karna chahte ho, aur every employer ye chahte hai ki jab wo kisi person ko job offer kare to wo at least 1-2 years to waha work kare.


7. Mujhe jaldi aage baadna hai : I want to move up quickly” – Ye achhi bat hai par jab aap ye baat interviewer ko kahte ho to use lagta hai ki aap jaldi aage baadne ki soch me is job me achha perform nahi kar paoge aur yadi iss job mai aapko aapki expectation ke according growth nahi mil payi to aap job chhod doge, jisse company ko loss hoga, isliye ye bat na kahe.


8. Mai ………..banna chahta hu (aisa kuch jo uss job se related na ho) “I’d like to become …………” – Interviewer apse puchhta hai ki aap kya banna chahte ho? Is question se wo aapki thinking ko samjhna chahta hai aur aapse sach bulwana chahta hai. Aap apply karne aaye hai professor ki post ke liye aur is question ke reply me apne kah diya ki mai aage chalkar bank manager banna chahta hu (Jo ki sach hai) to aap fas jaoge. Koi bhi employer aise person ko nahi rakhna chahega kyuki kisi ko bhi aapke dream me interest nahi hai, wo chahte hai ki unke employee unki company or post ke liye dedicated rahe.



9. References nahi hai “I don't have references” – Yadi aapse interview me references (Koi person jo aapke work ke baare me bata sake. Like - co-workers, former managers/seniors, former Boss, clients or colleagues) dene ke liye kaha jaye aur aap kah de “I don't have references” to yeh samjha jayega ki aapki last job ya work place per jarur koi serious problem rahi hogi, Isi karan se aap kisi ka name nahi de rahe hai. Reference names jarur provide kare.


10. “No questions” – interview ke end me jab Interviewer aapko puchhne ka chance deta hai to aise me ye naa kahe - “No questions” kyuki isse interviewer ko yeh lag sakta hai ki aapko job ya work me koi interest nahi hai, isliye interview me jane se pahle job aur company ke baare me research kare aur apne questions ready rakhe taaki jab aapko puchhne ka chance mile, aap thoughtful questions puch sake.




Thanks !








Aapko ye post kaisi lagi, jarur bataye। :) agar aapko acchi lagi hai to Facebook, Twitter aur Google+ par jarur Share kare। 




Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare।




Important and useful posts aapke Email par read karne ke liye “Sign up” kariye।





धन्यवाद !

No comments:

Post a Comment

e