1.22.2016

Cover Letter kya hai aur use kaise banate hai?

What is Cover Letter and how to make it - image
What is Cover Letter and how to make it
Friends, Mostly sabhi job ke liye apply karne per aapko ek application likhna hoti hai. Jisme aapka us job ko apply karne ka purpose, aapka experience aur skills ke bare me short me likha jata hai aur ye request ki jati hai ki aapko interview ke liye bulaya jaye. Ise hi cover letter kaha jata hai.


Is letter ko bahut dhyan se banaye, sari baato ko achhe se likhe, jisse apki job ke liye seriousness dikhe. Yahi letter aapko interview tak pahucha sakta hai, isliye koi chuk naa kare.


“Cover Letter” job profile ko dhyan me rakhte huye hi banaye. Kisi aur job ke liye apply karne per job profile ke according cover letter aur resume me changes kare, sab jagah ek jaisa Cover Letter aur Resume naa de. :)


Cover Letter kaisa hona chahiye?

A. Cover Letter one page ka hi banaye.

B. Jis job profile ke liye apply kar rahe hai, sirf usse relevant skills aur experience ko bahut brief me likhe.

C. Cover Letter simple aur clear fonts me hi likhe, jisse use easily pada jaa sake.

D. sahi sequence aur sahi format ka hi use kare.



Cover Letter kaise organize kare? 

1. First paragraph me aapko yeh batana hai ki aap ye letter kyu likh rahe hai. Aapko is job ke bare me kaha se pata laga aur thoda kuch aapke bare me bataye, like – aapki education aur aap kon se college se hai.


2. 2nd paragraph me apka education, experience aur Skills brief me likhe. Aur aage yah bhi likhe ki company ke liye aap kis prakar apna sahyog ya yogdan de sakte hai.


3. last paragraph me humbly employer se unki Sahuliyat ke hisab se interview ke liye request kare. Aur last me padne wale ko thanks kare. Ex. - 'Thank you for reading this and considering my letter'




Cover Letter ki formatting kaisi ho?

1. Best quality ka paper use kare.

2. Employer ko unke name ya title se hi address kare. Like - Dear Amit Sir, Dear Hiring Manager…

3. Cover Letter me koi grammatical, punctuation ya spelling ki mistake naa kare. Aur kisi bhi type ki error naa rahe isliye carefully pade aur use perfect banaye.

4. Agar aap achhe se nahi bana paa rahe hai to kisi Human Resource field se jude person ki help le.



Aapko ye post kaisi lagi, jarur bataye. :) agar aapko acchi lagi hai to Facebook, Twitter aur Google+ par jarur Share kare. 


Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare. 


Important and useful posts aapke Email par read karne ke liye “Sign up” kariye. 


धन्यवाद !

1 comment:

  1. http://www.coverletterguide.com/how-to-write-a-cover-letter

    ReplyDelete

e