1.12.2016

Top most common interview questions- Part -2

Top most common interview questions- image
Top most common interview questions- Part -2 
Hello Friends, I hope aapne meri last post padi hogi, usme maine aapko Interview me puchhe jane wale Top most common interview questions bataye the. Part-1 me maine 5 questions ko define kiya tha, agar aapne us post ko read nahi kiya ho to ek baar jarur pade - (Top most common interview questions- Part-1

Aap sabhi ne shayad in sabhi questions ko kai bar suna hoga aur shayad face bhi kiya hoga lekin inke jawab dete time aisi kuch chhoti-chhoti baato ko dhyan me rakhne se aapko iska bahut bada aur positive results mill sakta hai. To aaiye aaj hum usi post ko part-2 me continue karte huye baaki ke questions ko jante hai (Detail me)

Top most common interview questions- Part -2 


6."Why did you leave your last job?"- 

Is question ke puchhe jane per kai log nervous ho jate hai, kyuki kuch bhi bina soche samjhe kahna aapko bhari pad sakta hai, jab aapse puchha jaye Why did you leave your last job?(aapne aapki pichhali job kyu chhodi). Tab kabhi bhi aapki last job wali company ke bare me ya us company ke boss ke bare me kamiya ya buraiya karne naa baithe, chahe aisa such me ho tab bhi, kyuki is cheej ko interviewer, wrong way me bhi le sakta hai yaani ye aapka nature hai aur aap kisi ki respect nahi karte hai. Haa, aap chahe to downsizing, budget cuts, bad economy, unsuitable place, unmatched skills, lack of team work aise kuch reason bata sakte hai, aap ye bhi bata sakte hai ki aapne apni mistakes se bahut kuch learn kiya hai aur aap apni life me new experience chahte hai aur isliye is company ko join karna chahte hai, kyuki yeh baat interviewer bhi jante hai ki mistakes karna human ka nature hota hai to agar aap honesty ke sath sab such kahte hai to ye cheej interviewer ko bahut impress karti hai.




7. "What are your goals?"- 

Is questions ka relation yaha per sidhe aapki professional life se hota hai, isliye aapki life ke personal goal ke bare me naa bataye :) What are your goals? (Aapke lakshya kya hai). Iska answer bahut complex tarike se naa de aur long-term goals ke bare me nahi, short -term goals ke bare me bataye, apne immediate goal ko explain kare, jaise ki yeh kahe ki – mera goal abhi filhaal ek achhi company me deserving post per appoint hona hai aur aage life me growth karna, new experience aur opportunity ko gain karna aur responsibility nibhana hai.




8. "How do you handle stress/pressure?"- 

Job koi bhi ho, har work me thoda stress/pressure hona natural hai, lekin aap use kaise handle karte hai wo baat main hai, isliye kai baar ye question interview ke douran puchha jata hai ki How do you handle stress/pressure? (aap kaise tanav aur dabav ko sambhalte ho), aur yaha per interviewer is answers ki ummid nahi karta hai ki aapko stress bilkul nahi hota hai, kyuki he also know ki stress har insan ko ho jata hai, lekin wo kis tarah se us stress aur pressure ko handle karta hai, wo baat important hai. Aap apni last job ke kisi experience ko share kar sakte hai. Like – Agar aapko kabhi koi multiple assignments ko ek sath handle karna pada ho ya koi difficult/urgent task tha, jisko aapne badi bakhubi se complete kiya tha, aap apne aise working experience ko share karte hai to interviewer ko ek idea lag jata hai ki aap situations ko kaise deal karte hai. Aap apne bare me aisi koi khas baat ho jisse aap stress/pressure ko kam kar lete hai wo bhi bata sakte hai, bus aapko khyal sirf itna rakhna hai ki jo bhi aap kah rahe hai uska relation aapki professional life se hi ho, personal life se nahi.




9.What salary are you seeking?/your salary expectations – 

Interview me sabse jyada yahi question puchha jata hai ki, What salary are you seeking? (aap kya wetan ki mang kar rahe ho), Aapki salary ko lekar kya demand hai yeh baat ek interviewer jarur puchhta hai, iska answer dene me kai log shy(sharm) bhi feel karne lagte hai ki iska answer kaise de. Ye bahut hi straightforward question hota hai lekin iska answer dena utna hi complex. Agar aap pahle koi job kar chuke hai aur new job ke liye interview de rahe hai to swabhavik hai ki aap apni last salary se better hi chahenge, aap chahe to salary ki range bhi bata sakte hai ki aap itne se itne (Rs. .... to Rs..... ) ke beech apni salary ki expectations rakhte hai. Agar apse last salary ke bare me puchha jaye to aap bata sakte hai ki (Rs. ....) yeh meri salary thi aur aap salary me increment chahte hai. Kai bar answer dene me difficulty hoti hai, to aisi situation me aap interviewer se bhi puch sakte hai ki is job position ke liye aapke according decided salary kya hai, lekin haa agar aapko interviewer ke answer dene per salary sahi naa lage tab bhi, us time koi negotiating (mol-tol) naa kare, ye cheej us condition me ki jaa sakti hai jab aap select kar liye gaye ho. Ek bat ka dhyan jarur rakhe ki salary wale question se person ki niyat ka pata lagaya jaa sakta hai, isliye kisi bhi salary se related questions ko puchhte time ya answer dete time is baat ka dhyan rakhe ki interviewer ko ye naa lage ki aapko sirf paiso se matlab hai aur sirf usi cheej per focused hai, real rahe, bahut jyada bolne ka try naa kare, soch samjh kar hi answer de.




10. "Do you have any questions for me?"- 

Kai bar interviewer bhi apse question puchhte hai ki kya aapka koi question hai mujhse? Aur aadhe se jyada log 'No, Thank you' kah dete hai aur koi question nahi karte hai, jabki ye cheej hi aapko bheed se alag banati hai, isliye iske liye jarur prepare hokar jaye aur jarur question puchhe aur dhyan rahe ki aapke dwara puchhe jane wala question bahut hi common ya simple naa ho aur wo aapse kam balki company se related ho, ab iske liye ye bahut jaruri hai ki aap company ke bare me sari information pahle se hi nikal le aur company ke un pahlu per jyada dhyan de jo aapko kuch new najar aaya ho aur jo aapke passion and knowledge ko show kar sake, lekin company se related jitne achhe question puch sake puchhe, lekin company se aapko kya-kya benefits honge ya kis cheej ke liye kitna time lagega ya promotion kab hoga? Aise questions kabhi naa puchhe, kyuki isse aapke immature aur insincere hone ka pata chalta hai.


I hope, ab jab aap interview ke liye jayenge to in common question ke puchhe jane per mere dwara batai gayi baato ko follow karenge & I am damn sure, aap interview me select jarur honge. :)


Wish you all the very best !




Aapko ye post kaisi lagi, jarur bataye. :) agar aapko acchi lagi hai to Facebook, Twitter aur Google+ par jarur Share kare. 


Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare. 


Important and useful posts aapke Email par read karne ke liye “Sign up” kariye. 

धन्यवाद !

1 comment:

  1. Tks very much for your post.

    Avoid surprises — interviews need preparation. Some questions come up time and time again — usually about you, your experience and the job itself. We've gathered together the most common questions so you can get your preparation off to a flying start.

    You also find all interview questions at link at the end of this post.

    Source: Download Ebook: Ultimate Guide To Job Interview Questions Answers:

    Best rgs

    ReplyDelete

e