1.11.2016

10 Cheeje jo interview me jarur kahni chahiye


Top 10 Things You Should Say In An Interview-image
Top 10 Things You Should Say in an Interview
Hello Friends, agar aapne meri kuch last posts padi hogi to aapko ye pata chal hi gaya hoga ki Interview ka darr kaise bhagaya jata hai aur interview ke time kin-kin baato ka dhyan rakhna chahiye aur kya baat nahi bolni chahiye lekin agar aapne ab tak ye posts nahi padi ho to ek baar jarur pade (7 aasan tarike interview ka darr bhagane ke, Nayi job ki shandar shuruaat ke liye 6 aasan sujhav, 7 cheeje jo interview me kabhi nahi bolni chahiye) in baato ke baad baari aati hai un baato ki jo interview ke time jarur kahni chahiye, jinka interview ke time gahra prabhav padta hai, to chaliye jante hai ki wo kon si cheeje hai –
 

Top 10 Things You Should Say In An Interview


1. "Please" and "Thank You"-  
Hume kai baar lagta hai ki please and thank you, naa bhi kaha jaye to koi fark nahi padta hai, aur bus yahi hum mistake kar jate hai, ‘please and thank you’ se respect aur gratitude ka pata chalta hai aur yeh cheeje notice bhi ki jati hai, to aap jarur is baat ka dhyan rakhe.



2. I have the experience-
Interview me working experience ke bare me question jarur puchha jata hai aur agar aapke pass applied Job se related koi bhi experience hai to aap is question ko ek opportunity ki tarah use karke khud ki ability ko prove kar sakte hai. Aapke dwara kiye gaye kisi bhi project ki success aur working experience ke bare me aap bata sakte hai.



3. “That’s a good question”-
Agar Interview lene wala koi surprise question puch leta hai aur aap ekdum answer naa de paye to kabhi bhi direct 'I don't know' na kahe, uski jagah 'That’s a good question' kah kar thoda sa time lekar answer soch samjh kar de, lekin haa kisi bhi experience ya training se related question ka answer correct de, jhuth naa bole.



4. Team work-
Kisi bhi company ki success us company ke employees ke work effort se judi hoti hai. Jab employees ek team ki tarah work karte hai to company ki growth hoti hai aur interview lene wala bhi yahi chahta hai ki jo person select kiya jaye wo easily kisi bhi company member ke sath work kar sake aur team build kar sake, isliye Interview lene waale ko jarur bataye ki aapne past me kis tarah se team ke sath work kiya aur kis tarah success mili.



5. I have a plan-
Jab koi company kisi candidate ko select karti hai to unka main thought process yahi hota hai ki selected person company ke liye beneficial ho aur uski wajah se company ki growth ho, to agar aisi condition me aapke pass koi aisa idea ya plan hota hai jisse company ka betterment kiya ja sakta ho to ye cheej interviewer ke sath jarur share kare, jisse aapko select kiye jaane ke reasons aur bad sake.



6. I am excited-
Job ke liye excited aur job milne per best perform karne ka iraada rakhne waale log interview lene waale ko jaldi attract karte hai kyuki aise log pure interest ke sath work karte hai aur apna 100% dete hai, to aapka yeh kahna 'I am excited about this job' ek achha impact banata hai.



7. I know the company very well-
Jab bhi aap kisi company me interview dene jaye usse pahle kai baate dhyan rakhni chahiye (jarur pade – nayi job ki shandar shuruaat ke liye 6 aasan sujhav) isliye jis company me apply kar rahe hai us company ke bare me jitni information nikal sakte hai, nikale aur jaane. Aap us company ki job ke liye perfect fit kaise hai, ye batane ke liye pahle company ke bare me information hona bahut jaruri hai, aapke 'I know the company very well' kahne per ye baat prove hoti hai, ki aap interview ko kitna serious le rahe ho aur aap jante hai ki mai is company ki job profile ke liye perfect person hu.



8. I am a motivated person-
'Motivation' ke through aap kaise work me progress laa sakte hai aur aapke past experience kya rahe hai, ye cheeje aap bata kar aapki quality ko define kar sakte hai, agar aap apne junior ko motivate karte hai, work ke liye aur khud bhi motivated rahkar ek energy ke sath work karte hai to ye baat interviewer ko impress kar sakti hai.



9. I want to make a career in this company-
Aap interview lene waale person ko yeh jarur bataye ki aap us company me apna career set karna chahte hai aur aapke liye us company me job pana kitna jaruri hai, aap us company me apna future dekhte hai, ye baat interviewer ko prabhavit karti hai.



10. I want this job –
Interviewer ko apne future plans aur motivational skills ke bare me bataye, aapke pass job se related kya-kya ideas hai jisse aap better perform kar sakte hai wo bhi bataye, unhe bataye ki kaise aap company ke sath ek long term relationship ko maintain kar sakte hai aur company ke liye kya-kya benefits ho sakte hai agar wo aapko select karte hai. Sath hi sath yeh job aapke liye kitni importance rakhti hai ye bataye aur khud ko confidence ke sath present kare taaki aap kah sake 'I want this job'.

In sabhi baato se Interviewer per aapka bahut hi positive impact padta hai aur unke liye decision lena bhi aasan ho jata hai ki konsa candidate hire karna sahi hoga. Jab aap interview dene jaye tab yeh saare points jarur dhyan me rakhe.


Hope these will help you :)


(Our Aim – Career se related saari jankari hindi language me aur free me)


Aapko yeh post kaisi lagi jarur bataye. :) Agar aapko achhi lagi hai to Facebook, Twitter aur Google+ per jarur Share kare.


Aapke koi Questions hai related to Career, Interview and Resume to comment box me send kare ya hamare Facebook Page ko like kare aur hume aapki queries message kare.


Important and useful posts aapke email per read karne ke liye aapke email se “Sign up” kariye.


Thanks!

No comments:

Post a Comment

e