1.20.2016

Darr ko mitaye, aage bade

डर को मिटाएँ, आगे बढ़े - Image
Hello Friends, Har insan apne career ki shuruaat to bahut utsaah aur josh ke sath karta hai per time ke sath utsah kam aur josh thanda ho jata hai. Thodi problem aati hai aur hum khud ko hara hua manne lagte hai.
Aisa kyu?


Jab hum fail hone lagte hai, rejection milne lagta hai to hamare andar ek darr panpane lagta hai, hum yeh samjhne lagte hai ki ye humse nahi hoga, wo humse nahi hoga. Aur jo hamari present situation hai hum usi ke sath samjhota karne lagte hai. Wo darr hame aage badne hi nahi deta, ek bar fail ho gaye to aisa lagta hai ab aur musibat moul nahi le sakte.
Kya aapke man me bhi koi darr hai? To aaiye us darr ko khatam kare –

1. Darr –

Sabse pahle hume yeh janna hoga ki darr kis-kis prakar ke hote hai –

1. Kisi kaam me fail hone ka darr
2. Ummido per khara na utar pana
3. Opportunities ko kho dena
4. Rejected feel karna
5. Changes ka darr
6. Aapki soch se darr (aisa ho gaya to, waisa ho gaya to…)

Yeh saare darr hai jinka koi wajud nahi hai per hamare man per aisa asar dalte hai ki hamari sari shakti aur sara joonun khatam ho jata hai aur hum khud ko kamjor aur hara hua maan lete hai. Per ab hum aisa nahi hone denge, in darro ko mita kar hi rahenge. :)


2. Darr ka samna –

Agar aap me bhi uper diye huye options me se koi darr hai to ab ghabrane ki jarurat nahi hai. Darr hume tab hi lagta hai jab tak hume puri jankari nahi hoti. Agar hum uper di hui darr ki list per hi sawal kare to samjh aa jayega. Like – Mai fail kyu hua? Mujhe reject kyu kiya gaya? Mai hara kyu? Mai us kaam ko kyu samjh nahi pata?
Yeh sawal uthane ke baad hume inka jawab ya samadhan (solution) pata karna hai. Jaise hi jawab milega, hum samjh jayenge aur un kamiyo ya pareshaniyo per kaam karna start kar denge, aap dekhiyega jab aap wo kaam kar payenge jo pahle bagair samjhe aur bagair jankari ke nahi kar paa rahe the aur jisse aap ghabraye ya darre huye the, us kaam me aapko uske baad kabhi darr nahi lagega.

“Dubne ka darr aapko tab tak hi lagega, jab tak aap tairna shikh nahi jate”


Agar hum darr se jeet gaye aur apni kamjoriyo aur kamiyo me sudhar karna start kar diya to phir aisa koi target nahi jo hamari pahuch se bahar ho. Pareshaniya aur muskile har kisi ko har level per aati hai aur aati rahegi, hume problems se pareshan hone ya darne ke bajay uska solution nikalne ki aadat dalni chahiye.



3. Planning kare aur Action le –
  
Aap life me kya banna chahte hai. Aur kya karna chahte hai, sabse pahle iska decision le. Jab aap ek field choose kar le, uske baad apne target tak pahuchane ke liye planning kijiye. Acche se samjhne ke liye us field ke liye kisi expert ki rai le. Aapko step by step planning karni hai aur us planning ko follow karna hai. Ab aapko jo bhi muskile aayegi usse bagair darre aur uska solution nikalte huye aapko aage badte rahna hai. Apni soch ko flexible rakhe, agar koi tarika ya plan work nahi kar raha to change karke kuch aur kare, jisse aap aage badte rahe, kahi ruke nahi.



“Bus itna hi kahunga ki date rahe, lage rahe.”


Thanks :)







Aapko ye post kaisi lagi, jarur bataye. :) agar aapko acchi lagi hai to Facebook, Twitter aur Google+ par jarur Share kare. 




Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare.




Important and useful posts aapke Email par read karne ke liye “Sign up” kariye.





धन्यवाद !

No comments:

Post a Comment

e