1.07.2016

Sahi Career Kaise Chune?

How to choose best career for yourself - image
How to choose best career for yourself
Humara future humare present me liye gaye decisions se banta hai, isliye life me sare decision soch-samjh kar lena chahiye aur jab baat career choose karne ki ho to koi bhi decision lene se pahle apne aap ko sochne-samjhne ka time de.

Career ka decision life time ke liye hota hai, ek galat decision aapke liye kai problems create kar sakta hai. Aaj mai aapko batane jaa raha hu ki career se related koi bhi decision lene se pahle kin-kin baato ka dhyan rakhna chahiye.


How to choose best career for yourself


know yourself 

Kabhi-kabhi hum career choose karne me bahut jaldi kar lete hai, hume pata bhi nahi hota ki yah field puri life ke liye uchit (suitable) hai ya nahi. Career ka decision koi normal decision nahi hai, aap jo decision le rahe hai uska direct effect is baat per padta hai ki aap kaisi life jeena chahte hai, kya pana chahte hai aur kya banna chahte hai. Apne aap ko jaane, khud ko samjhne ka time le. School-College wo nahi sikhate, jo jindagi sikha deti hai, isliye sikhe-samjhe aur phir chune.




Open Mind

Career choose karte time apne dimag ko khula rakhte huye, aap jis field ko choose kar rahe hai usme kai options rakhe, jisse ki aapki field ke alag-alag part me job karne ki flexibility rahe. Like – Agar aap photographer banna chahte hai to photography course ke sath writing ka bhi course kare, jisse aap photography per book likh sakte hai ya blog bana sakte hai.




Know your Strength

Aapko yah janna hoga ki aapki strength kis field me hai. Agar aapne wo career choose kar liya jisme aapki strength bahut kam hai, to aapko puri life us kaam me survive (Gujara) karna padega. Jab hum aisa koi kaam karte hai jisme hamari skills nahi hai ya bahut kam hai, to humara career aage nahi bad pata aur yeh humare tanav aur dukh ka karan ban jata hai. Isliye apni strength ko jaane, us field ko samjhe, uske baad hi decide kare.




Volunteer kare

Volunteer ka matlab bagair paise liye apni ichha se kaam karna hai. Aap jo field choose karne ka soch rahe hai usme agar koi kaam karne ka chance mile, Like – aapka koi friend kahi work karta hai aur wo aapko part time ya koi training dilwa de ya kahi aapki field se related koi mission ya koi kaam chal raha hai, usme aap include ho jaye. Jisse aapko us field me kaam karne ka experience milega aur aap samjh payenge ki aap sahi career choose kar rahe hai ya nahi.




Us field ke bare me logo se baat kare 

Aapke mind me career ko lekar jo options hai, unse relevant logo se mile aur us field ke bare me jaane aur puchhe. Like – Aap is kaam ke bare me sabse jyada kya pasand karte hai? Kya aap itne salo ke bad bhi yeh kaam karna pasand karte hai? Is field me kya-kya problem aati hai? Aur bahut saare question puch sakte hai. Yeh sab puchhne aur janne ke baad aap samjh jayenge ki aap us career ke liye sahi hai ya nahi.




Khud decision le

Ek hindi ki kahawat hai – “Suno sabki aur karo apne man ki” matlab sab kuch sunne or samjhne ke baad jab decision lene ka time aaye to jo hume best lage, hume jo sahi lage, wahi field ya career chune. Sab kuch janne ke baad jis work me aapka interest hai, aapka passion hai use choose kare. Kisi ki batai hui story per trust naa kare. Aapke parents, teachers, career counselors sab aapka bhala hi chahenge per aapko decision khud hi lena hai, kyuki aapko aap khud se better koi nahi jaan sakta. Aap jo life jeena chahte hai, jo pana chahte hai. Uske liye career bhi khud hi choose kare. Aur jo career choose kar liya usme bahut mehnat kare.



Best of luck :)


Aapko ye post kaisi lagi, jarur bataye. :) agar aapko acchi lagi hai to Facebook, Twitter aur Google+ par jarur Share kare. 



Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare.



Important and useful posts aapke Email par read karne ke liye “Sign up” kariye.

धन्यवाद !

4 comments:

  1. great post, very informative and very well explained, in Kauai one can choose Kauai portrait photography as a career, there is lots of scope and money in this business

    ReplyDelete
  2. Good article and nicely explained, thanks for sharing such an important information
    wedding photographer Orlando

    ReplyDelete
  3. Great website for those who wants to get known about different career options and very good post also, thanks for sharing.
    Destination wedding photographer California

    ReplyDelete
  4. How you got adsense approval in blogspot website.

    ReplyDelete

e