1.11.2016

Career field ke bare me janne ke top 4 tarike

Top 4 Ways to Find Your Career field-image
करियर फील्ड के बारे में जानने के टॉप 4 तरीके
Hello Friends, career se related last 2 post me maine bataya tha ki 1. Sahi career kaise chune aur 2. Kaise bane apne career me safal. In do post ke baad mujhe khyal aaya ki yaha per career se related ek aur post ki requirement hai, jisme yeh bataya jaaye ki alag-alag career option ki information kaha se collect kare aur kaha se pata kare ki kon se career me aage kya opportunity milegi aur kon sa career hamare liye best rahega.

Career choose karne ka measurement ye hota hai ki hamara us field me interest ho, hum us field (Education) me hone waale kharche ko wahan karne yogy ho aur us field me future me best opportunity milne ki ummid ho. Field aisi honi chahiye jo hume professional aur personal dono level per satisfy kar sake, matlab ki jisme hum financially secure ho sake aur family ke liye bhi time nikal sake. To aaiye jante hai career ka decision lene ke liye kon-kon se tariko se information collect ki jaa sakti hai.

Top 4 Ways to Find Your Career field



1. Online Research - 
Yeh ek best tarika hai. Aajkal internet per har field ki puri information mill jati hai. Aapka jis bhi field me interest ho aap usske related Keywords se search karke us bare me pata kar sakte hai. Yaha per aapko latest information mill jayegi, jisme aap college, course, uska level, place, fees aura age kya-kya avsar prapt honge, ye sab pata kar sakte hai. Course ya college choose karte time aap aapki interest, abilities, and financial condition ko dhyan me rakhte huye hi choose kare. Online achhe se research karne ke liye aapko internet ko sahi use karne ka experience hona chahiye.



2. LinkedIn Connection – 
Maine LinkedIn ke bare me 2 posts daali thi – a. Linkedin account kaise banaye b. Linkedin profile ke fayde. Linkedin social networking site hai, jaha aap her field ke professionals se connet ho sakte hai. Yaha me ye batana chahta hu ki aapka interest jis field me hai us field ke professionals ko linkedin per connect karke, aapke us field ke bare me jo questions hai unhe message karke reply karne ki request kar sakte hai. Jisse aapko us field me work kar rahe person’s ka experience aur real information pata lag sakegi.



3. Market Research – 
Aap jaha rahte hai us city me bhi aapke interest se related job ya business kar rahe persons se millkar us field ki information collect ki jaa sakti hai. Unse pahle milne ka time le aur saare questions sochkar ya list banakar jaye, jisse puri information mile aur aap sahi decision le paye.



4. Career Counsellor – 
Agar aap aur information chahte hai to Career Counsellor (Jarur pade – career counseling kya hai aur uske fayde) se mill sakte hai. Wo aapki ability aur financial condition ka assessment karke, aapko sahi decision lene me aapki help karenge. Career Counsellor aapko step by step aage badne ka guide karenge, jisse aap kahi bhatkenge nahi aur aap jis career ki ichha rakhte hai use paa sakenge.


Aapko career aapke interests aur requirements ko dhyan me rakhte huye hi choose karna hoga aur isse achha kuch nahi ho sakta jab ye dono cheeje aapke career me puri ho rahi ho. New opportunity ke liye ready rahe aur apne knowledge aur skills ko update rakhe. Aapko aapki life se kya expectations hai, aur aapka kya passion hai usko samjhte huye hi field ka decision le. Uper diye gaye tariko se sari information collect karke, last me khud apni field ka chunav kare.


All The Best!





Aapko ye post kaisi lagi, jarur bataye. :) agar aapko acchi lagi hai to Facebook, Twitter aur Google+ par jarur Share kare. 




Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare.




Important and useful posts aapke Email par read karne ke liye “Sign up” kariye.





धन्यवाद !

No comments:

Post a Comment

e