1.02.2016

Job interview ke liye 5 Body Language tips


5 Body Language Tips For Job Interview- Image
5 Body Language टिप्स Job interview के लिए
Hello Friends Job Interview me aapke words aur aapke answer ke sath-sath aapki ‘Body Language’ bhi most important hoti hai, aapki body language ka interview lene waale per bahut gahra impact padta hai, isliye interview dete time is baat ka jarur dhyan rakhe ki humari body language kaisi hai, jab bhi aap interview ke liye jaye in baato ka dhyan jarur rakhe.


 5 Body Language Tips For Job Interview


1. Smile 
Yaha per smile ka matlab hasna nahi hai, ek halki si muskurahat hai, jisse aapse milne waale ko yeh lage ki aap unse millkar khush hai aur unse milna chahte the. Interview dete time agar aap enthusiastic aur happy najar aate hai to ye cheej interview lene waale per positive impact dalti hai, unhe yeh lagta hai ki aap unki company me kaam karna chahte hai aur agar aap nervous (pareshan) ya tension me dikhenge to Interview lene wala bhi uncomfortable feel karta hai, isliye smile ke sath jaye. :)



2. Eye Contact – 
Kahte hai na aankho ki bhi apni bhasha hoti hai :) Kisi bhi person ke sath eye contact banakar baat karna aapki honesty aur aapka interested hona batati hai. Aur agar aapka eye contact, poor (kamjor) hoga to aap me confidence ki kami aur self-belief ki kami najar aayegi, lekin eye contact banakar baat kare, ghure nahi. Jab aap interview dene jate hai to company ka owner yahi chahta hai ki wo ek honest aur Loyal person ko hi job ke liye select kare, isliye interview lene wale se hamesha eye contact banakar rakhe, agar interview lene wale ek se jyada ho to sabhi ke sath equally eye contact bana kar rakhe taaki sabhi interviewer aapke liye important hai. Is baat ka unhe pata chal sake, Jo ki ek achha strong point hoga aapke liye.



3. Handshake – 
Kisi bhi person se milte hi handshake karna bahut hi normal baat hai, lekin aapke handshake ka gesture kaisa hai us baat ka dhyan rakhna bahut jaruri hai. Interview ke time aap interview lene waale ke initiative step (pahle start karna) ka wait kare aur eye contact banate huye warmly and firmly handshake kare. Handshake, trust ke level ko banata hai isliye, aur confidence ke sath khud ko present kare, over-long handshake naa kare, sath hi is baat ka bhi dhyan rakhe ki sweaty hands ke sath handshake naa kare, interview room me jaane se pahle hand wash kar le aur achhe se pochh le ya wash naa kar paaye to handkerchief (rumal) se pochh le, jisse aap khud ko jyada better tarike se present kar paye.



4. Sit up straight 
Interview dete time chair per straight baithe, aapki back straight rakhe lekin shoulders ko thoda low rakhe taaki aap polite lage. Aap try kare ki aap humble aur confidence lage, naa ki egoistic. Chair ke liye bhi interview lene wale ke kahne per baithe ya unse permission lekar baithe. 



5. Posture – 
Aapke body posture (hav-bhav) ka interview ke time bahut gahra prabhav padta hai. Interview room me enter hote hi aapke posture aise hone chahiye jisse aap confident aur impressive najar aaye. Chair per baithne ka tarika sahi rakhe jaisa ki 4th point me bataya gaya hai, arms ko cross karke naa baithe, interview lene wala jab aapse baat kar raha ho tab head movement kare lekin wo bhi over naa kare. Jab ek se jyada interview lene wale ho to body posture ko change kare, ek hi direction me naa baithe rahe.

6.Movements-
Aapki body movements ka sahi hona bahut jydada jaruri hai, jab aap interview de rahe ho tab ye dhyan rakhe ki aapka hand gestures aise ho jisse aap well behaved person lage. Khud ko bar-bar hath milana, nails bite karna, bar-bar sir se pasina pochhana, ubaasi lena, finger point out karna, interview lene wale ke kuch bhi kahne per koi expression naa dena etc., Yeh sabhi cheeje bilkul bhi naa kare, isse aap me lack of confidence najar aati hai aur aap interview ko lekar dare huye lagte ho. (Jarur pade – 7 aasan tarike interview ka darr bhagane ke)



Ho sakta hai yeh baate aapko chhoti ya itni khas naa lage lekin interview ke douran ye saari baate bahut jyada importance rakhti hai, aapko yakin naa ho to inhe follow karke dekhiye, I am sure aapko changes jarur najar aayenge aur aapko job bhi jarur mill jayegi. :)



Thanks!
Aapko ye post kaisi lagi, jarur bataye. :) agar aapko acchi lagi hai to Facebook, Twitter aur Google+ par jarur Share kare. 




Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare.





Important and useful posts aapke Email par read karne ke liye “Sign up” kariye.



धन्यवाद !

No comments:

Post a Comment

e