1.22.2016

10 Tips Resume Ki Best Formatting Ke Liye

10 tips for resume formatting- image
10 Tips for Resume formatting
Hello Friends, Interview me aapke resume ka format ek bahut important bhumika nibhata hai, isliye format bilkul sahi hona chahiye, otherwise chhoti si bhi mistake aapko bhaari pad sakti hai. Resume ka perfect hona bahut jaruri hai kyuki ek resume, employer ko batata hai ki aap us job ke liye yogy hai ya nahi. Resume ko banate time bahut sari baato ka dhyan rakhna hota hai.

Aaiye hum jante hai ki resume ki formatting me kin-kin baato ka khyal rakhna chahiye – 


Resume ki best formatting ke liye 10 tips



Header 

Resume me aapka name sabse top per aur bold words me likhe, yaani pure resume me jo font aapne use kiya ho unse thode se bade aur dark likhe, taaki aapka name notice ho sake. Name ke just niche aapka address aur aapka email address likhe (Jo active ho), aur apna phone number likhe. Yeh ek sahi tarika hai - contact information ko likhne ka.



Objective

Resume ka Header wale hisse ke baad baari aati hai Objective likhne ki, is section me aapko yah batana hota hai ki aap us job ke liye kis tarah se kaabil hai aur aapka objective kya hai, but try yahi kare ki kam se kam line me aap apni baat likh sake aur lines aisi ho jo ki employer ko impress kar sake.



Margins and Space

Resume writing me resume ki margin ka bhi khyal rakhe ki dono side page ka kitna part blank rahega aur words ke bich space kitna dena hai is bat ka bhi khyal rakhe, ye cheeje resume ko effective banati hai.



Font's size, typo error, spelling mistake

Resume me fonts kis size ke hai, us baat ka dhyan rakhe, Medium size ke fonts ka use kare, typing karte time dhyan rakhe ki koi bhi mistake naa ho aur words ki spelling likhte time mistake naa kare, yeh cheeje lagti bahut normal hai lekin inka result aapko bura mill sakta hai isliye dhyan rakhe aur resume ko puri sawdhani ke sath banaye.



Education

Resume me aapki education details me aapke present me chal rahe courses aur university ki detail sabse pahle likhe, uske baad aapke graduation ke college aur aapke school ki information likhe. Sari information correct aur clear roop se likhe.



Experiences

Resume me aapke work experience ke bare me likhna bahut important hota hai, lekin ise kaise likhe is baat ka pura dhyan rakhe, jo job aap present me kar rahe hai ya jo job aapki last job thi, uski information sabse pahle likhe, usme company ka name, uska location aur aapke work ki avadhi likhe ki aapne kitne time waha work kiya. Uske baad next line me aapne jis position per work kiya uske bare me likhe, agar aap chahe to next line me job position ke bare me kuch lines likh sakte hai, jo aapke work ko define kar sake. Iske baad aap aapke kuch aur bhi work experience ki information likh sakte hai, lekin bahut purane aur jo job se relevant na ho uske bare me naa likhe.



Highlight your strengths 

Resume me aapki strengths ke bare me likhe, agar aapke andar aisi koi quality hai jo us job ke liye bahut useful ho sakti hai to use highlight jarur kare, taaki employer ko easily najar aa jaye aur uska dhyan jarur us taraf jaye.



Activities

Is section me aapko aapke through ki gayi activity ke bare me information dena hai, agar aapme koi sports se relevant skills hai ya aapne kisi campus me participate kiya ho ya aapka koi volunteer (swamsevak) ka experience raha ho to aisi cheejo ki information aap is section me likh sakte hai, aur try kare ki jis job ke liye aap apply kar rahe hai, usi se relevant aapki skills ki mainly detail de.



Skills 

Skills me sabse pahle aapke language knowledge ke bare me bata sakte hai ki aapko kon-kon si language ka knowledge hai, lekin unhe bhi clearly bataye ki kon si language kis level ki hai yaani basic hai ya advance hai ya fluent hai, iske baad apni technical skills ke bare me bataye, jaise agar aapme computer ki koi special skills hai uske bare me bataye ya software se relevant koi skills hai to uski information de. Agar aapki job social media se relevant ho to aap social media ke information bhi include kar sakte hai, lekin agar in sabka relation job se bilkul naa ho to unnecessary cheeje na likhe.



Reread and edit  

Resume ki sari formatting ke baad last me ek bar phir se resume ko read kare aur agar koi bhi chhoti si bhi mistake dikhe to use turant correct kare, because ye resume aapka career bana sakta hai, to ise lekar bilkul bhi laparwahi naa kare.



Jab aap apna resume banaye to in sari baato per jarur dhyan de aur resume ki formatting sahi tarah se uper diye instruction ke according kare, agar aapke pass jo resume hai aur agar in sabhi baato ke according usme koi bhi kami hai to bilkul bhi najar andaj naa kare, turant new resume banaye aur hamare blog ke resume category me jaa kar sari post ek bar jarur pade, uske baad aapke resume me jo change aayega wo aapko khud hi najar aa jayega. :)


Thanks!




Aapko ye post kaisi lagi, jarur bataye. :) agar aapko acchi lagi hai to Facebook, Twitter aur Google+ par jarur Share kare. 



Agar Aapke koi Questions hai related to Career, Interview and Resume to Comment Box me send kare ya humare Facebook Page ko Like kare aur hume aapki queries message kare.


Important and useful posts aapke Email par read karne ke liye “Sign up” kariye.


धन्यवाद !

4 comments:

  1. Very nice article.....thanks for share.......

    ReplyDelete
  2. I read that Post and got it fine and informative. Please share more like that...
    resume samples

    ReplyDelete
  3. Good information to know and right to the point on career. Thanks for this well written post related to search jobs , i’ll follow up for more updates if you keep posting them.

    ReplyDelete

e